Patubuon ulit ni Heechul iyahang balbas. -_-

Si Kim Heechul ang gwapang paloy kay nagtweet tong isa ka gabii na patubuon na sad daw niya iyahang balbas. Unya daghan nag protesta, apil na ko syempre didto. Pero akuang nadiskubre, maski patubuon ba niya iyahang balbas pareho atong kay Osama Bin Laden (tabi tabi po), kay gwapa lang gihapon sya. Pero Heechul - ayaw seryosoha hah, ayaw paninuod -_-

HOY.

HOY. NGANONG PAYAT NAMAN KA NA WALA NAMAN INTAWON KA'Y KAILOG SA KAON? BASIG NAKALIMOT KA NA NAG SOLO KA. ANA LANG.
-FANGIRL NA HIMANTAYON.

Ang Rason Ngano si Zhoumi ang Bag-ong Beauty Queen PART I

Tungod kay kasagsagan man ron sa piyesta sa Brgy 39-A, storyahan nato ang beauty pageant. Kay ngano nadaog man si Zhou Mi nya nag-ingon mi ni undefeated si Heechul, diba? Basig hunahunaon ninyo na inconsistent mi bale iexplain namo ngano nahitabo to sya.

Well, ing-ani man gud na. Malas ra jud kaayo ang tuig na ni para kay Heechul. Bag-o pa man gud nagsugod ang pista, naay habhab na gisponsor si Kap na amahan ni Ara. Bale ang Manang Taeyeon na tigbaligya ug banana cue, nag-grab the chance kay nangita ang kapitan ug mga gabaligya ug pagkaon na willing magserve sa piyesta. Bale kaning requirement na ni sa pagkawilling kay murag di gihapon voluntary ang gawas. Kay ang Taeyeon mamaligya man gihapon na maski bagyo, molinog, motsunami, mo-El Nino, o basi maski pa moend of the world na. Wala man gani siya natibag sa iyang pwesto tong nagbudots showdown ang mga paloy sa iyang atbang! Nya ang kagwapo pa diay sa offer ni kap aning "willing moserve" na ni kay PAKYAWON niya ang ginapamaligya na pagkaon para ipakaon sa barangay. So see? Win-win situation kaayo kay Manang Taeyeon.

So bale kato, nagset-up na siya sa iyahang banana cue stand. Nya tungod kay si Teukkie kay #1 suki ni Taeyeon, wa na siya gilubayan sa kagwang. Kay tungod kay pista man, bakasyon sad siya sa pag-sideline. Naa pa jud si Kangin na utro sad na di jud muhawa maskig unsaon nimog pugos. Bale unsay konek ani kang Heechul?

Kay diba dabarkads man sa bayot tong duha kapaloy? Mao na to! Ang Heechul walay choice kundi makigtambay apil nila. Mao for one day naa ra siya didto sa banana cuehan. Unya kay tungod kay March na hastang sigaa sa adlaw, ang ginapaghinilas ni Heechul na panit kay sadihang, NANGITOM! Dugangan pa sa special uling-made aso na gikan sa stand ni Taeyeon, hala! Ang Heechul na sa una kay murag gatas ang panit, nahimog baluga in one day!

Nahimatay ang amaw pagkakita niya na murag kapareha nag kulay ang iyahang panit sa ilok sa buntis. Pagkamata niya after pila ka-minutes kay todo-todong pagpacute ang gihimo sa Kangin ug Eeteuk sa iya kay murag kapatyonon na ug tambay/tig-sideline ang bruha. Nagamit jud ni Kangin iyang kahawd sa pagmediate na wala gamit2x ug violence. Sige ingon ug "Tan na, Chullie! Brown is in, white is out!" nya todo brainwash pud ang ubang paloy na tama ang mga tigulang ug bago na trend to na ipauso ni Heechul. Wala pud nakapag-alburuto ang Heenim kay nakigapil man pud ug mediate ang Hangeng, Kibum, Donghae, ug Jay sa iya. Ana pa si Jay "di ka ana, angayan au ka sa summer!".

Ni-oo na unta ang bayot pero pag-uli sa balay, nakit-an niya na dili lang pagkalagom ang iyang napunit sa pisti na banana cue ni Taeyeon. Nagkabugas pa siya ug hastang dakoa sa iyahang aping! Nakashagit man jud ug "Bullshit mirror Fuck the pimple.. Im not cool Everything hate.." ang bayot. Katong gabii pud na to kay hilom kaayo ang tibuok barangay nya ang madunggan ra nimo kay ang shagit sa nagawild na beauty queen.

Kani ang nahitabo usa ka-adlaw bago ang pageant night. Kung unsa pa ba ang nahitabo sa gabii mismo sa contest na nakapagpapildi kang Heechul, ato na nang atangan.

Ang Liga

Kada-Nobyembre, gina-celebrate sa kinakusgan nga Brgy. 39-A ang ilang barangay fiesta. Syempre naa man jud nay nagkalain-lain nga aktibidades ining pista diba? Isa ana kay ang annual Ms. Gay ng Brgy. 39-A, na ang reigning Ms. Gay kay wa nay lain na si Zhoumi. Pero ang dili jud mawala kay ang inter-barangay liga sa basketball.

Inter-barangay man siya, syempre makilaban ang mga paloy sa mga nagkalain-lain na barangay duol sa ilaha. Kay hawd-hawd man sad ang mga paloy, pirmi jud ni sila masulod sa championship. Pirmi pud nila kalaban ang mga taga-Brgy. 39-B kay maayo man sad ni sila mudula.

Ang problema lang, dili madaog ang 39-A kung makalaban nila ang 39-B. Sige fine, nadaog na sila kausa, pero kausa ra jud. (Nasipyat ning si Kwon kay kalit ra nilabay si Gain sa atubangan niya, nadistract hinuon ang Jo Kwon.) Pero aside ato na dula, wala pa jud intawon nadaog ang mga paloy. Kay ngano man na? Kadyut lang, ako pang hinumduman ang istory.

Ani man gud ni siya. Ilang captain ball man gud kay ang resident aspiring basketball professional na si Dodong Hae. Dili man sa ginadaog-daog si Dodong Hae, pero kanang kuan man gud, sige man gud siyag pugos na apil dapat siya pirmi sa nagadula sa sulod sa court. Sa First 5 siya jud ang una sa listahan. Dili siya ganahan magpa-sub sa uban. Wa man sad mabuhat ang ubang paloy, so pasagdan na lang nila si Hae. Daghan man sad maayo mudula sa mga paloy, pero unsaon man, mas tangkad man jud ug mas dakog lawas ang mga taga-39-B. Sa dihang ang mga paloy kay…paloy jud. Dili makaya sa powers sa mga paloy ang mga 39-B boys masking naa na si Dodong Hae (sige na lang, iapil na lang nato siya aron ingnon lang), naa pa jud si Siwon na tangkad na, lami I mean, nindot pag lawas (kanang athletic build ha, kamo jud masking unsa na lang inyong ginahuna-huna), ug believe it or not, apil pud si Heechul sa mga kawd mudula (hoy judi mo mga bayot, masking ing-ana na siya lupigan pa niya ang ubang paloy).

Pero masking every year sila mapildi, okay ra man sa ilaha. Lipay man gihapon sila kay nakaapil gihapon sa championship. Padayon ra man gihapon sila sa ilang everyday paloy lives. So all is well ra gihapon ang drama.

Way pulos noh? Sige lang, wa man juy pulos ilang mga kinabuhi.

-------

Tagalog translation here