Si Siwon na Scapegoat

Kaila man mong Siwon noh? Katong kuan gani, katong dili ganahan ni Dodong Hae na kadulag basketball kay tangkad kaayo. Actually tangkad gud siya, pero dili pud nang pirting tangkara, putot lang jud si Dodong Hae para niya. Bale ipaila-ila namo sa inyo kung unsa ang role ni Siwon sa mga paloy. Kani siya ang ultimate scapegoat.

Si Siwon kay usa ka bata na relihiyoso kaayo. Dugay na ni si Siwon sa Brgy 39-A. Didto na siya nidako. Wala siyay pamilya. Ana sila ulila na daw siya. Walay nakabalo sa Brgy kung unsa ba jud ang past ni Siwon. Ang kabalo lang sila, tong 8yrs old pa lang siya kay nakit-an siya na nagpalaboy-laboy sa gilid sa Brgy 39-A. Gisi-gisi ang iyahang sanina barong nya hugaw kaayo ang iyahang dagway. Naglakaw-lakaw niya natumba sa atbang sa Hot Legs. Ang pastor na amahan ni Yeonhee ang una nakakita sa iyaha niya gikuha siya ug murag giadopt na lang pud. Mao to, didto na siya nidako sa ilaha.

Wala nay mahinumduman si Siwon kung unsa ba jud ang tinuod na nahitabo sa iya. Ang ingon sa mga katigulangan atong time na to kay gikan siyag ampunan niya nitakas lang. Naa man gud siyay tag sa iyahang sanina. (diba ana man na kasagaran sa mga ampunan para dili magsagol2x ang sanina sa mga bata) Ang nakabutang sa tag kay Choi Siwon. Mao to, kato na ngalan gihapon ang iyang gibitbit.

Bale kani si Siwon, tungod kay nidako sa kamatuoran sa Ginoo, hastang relihiyoso. Sayo au momata sa buntag para lang limpyohan ang altar. Kasagaran siya pa na ang mamukaw sa mga manok na motilaok. Siya pud ang usa sa mga una-una nagvolunteer atong girenovate ang GKK. Sugoonon sa pastor. Okay ra pud sa iya. Wala na siya nipadayon ug skwela pero naa gihapon siyay mahibal-an kay ginatudluan man siya sa iyahang mga manghod2x na sina Yeonhee ug Sooyoung sa ilahang mga natun-an sa school. Mao nang si Siwon, hawod au manggantsilyo, cross stitch, ug magflower arrangements.

Tungod kay didto na siya nidako sa brgy, kababata niya ang kadaghanan sa mga paloy. Ug tungod kay si Yesung ang pinakaunang paloy sa brgy (kay dinha na jud ang iyahang mga ancestors nagpuyo since time immemorial), close2x na jud sila ni Siwon maski sa una pa. Tungod kay close friends sila nya loyal au si Siwon, uban-uban ni sya sa mga paloy maski kanang basag-ulo2x. To be honest, ang balay na ginapuy-an ni Siwon karon kay naa dapit sa border sa Brgy 39-A ug Purok 10 sa Brgy 39-B. Siya man gud ang nagvolunteer na murag watchman sa border in case naa nasad mga evil plans ang kalaban na barangay. Bale ang full address ni Siwon kay Kalye Maka-Diyos corner Sesame Street, Brgy 39-A. (ipatan-aw ra namo sa inyo ang mapa inig human namo ug drawing)

Aside sa pagbantay2x ni Siwon sa kapilya, nagatrabaho pud siya ug takatak boy sa may Ilustre. Giingnan man gud siya sa pastor na undangan na ang iyahang pagconstruction worker kay makadaot ug kalusugan. Mao maski kabalo siya na dako2x ang iyahang maganansya, wala na siya nagpadayon ug labor sa Abreeza. Mahatagan unta siyag special privilege ato kay sobra ten years na pud siya nagaconstruction (yes, dinha niya nakuha ang iyahang lawas). Sa Ilustre siya nagatakatak kay natrauma siya tong one time na nitambay siya sa Bonifacio. Ang Bonifacio diay kay lungga sa mga callboy; nya ang Siwon pag-agi didto kay gidumog sa mga bayot. Abi nila nagcallboy ang amaw. Nagkandalisod siyag dagan ug over2x sa paghide and seek ang nahitabo. Nabasa gud niya ang Apostle's Creed IN LATIN sa sobra niyang kahadlok. After ato, di na siya gaagi sa Bonifacio. Pero maski inato daghan gihapon siyag offer.

Kana ang iyahang moral dilemma. Kung kuhaon man gud niya ang offer sa mga bayot, daghan iyang kwarta niya dako2x ang iyahang madonate sa GKK. Pero kabalo pud sya na kung mahibal-an to sa pastor kay di dawaton ang iyang donasyon. Mao ang Siwon, bothered pirminte.

Unsa pa kaha ang atong mahibal-an about kang Siwon? Atangi nalang sa mga sunod na kabanata.

Sungmin, Numero Unong Paloy

Sa unang pagila-ila kay naingon namo sa inyo na si Sungmin kay homebody nya nahimo ra gihapong paloy. Bale karon kay maila-ila pa nato siya ug mas lalom.

Kung si Yesung ang #0 paloy, ila-ilaha ang #1. Tama. Nasakto ninyo. Wala nay lain pa kundi si Sungmin. Bale magbackground check sa ta aning amawa ni.

Edad: 25
Trabaho: Estudyante (gihapon)
Asa nagskwela: DDC
Kurso: HRM
Paboritong Pagkaon: Kalabasa (kinahanglan ra jud ni ibutang)

Basig nashakira mo ngano kana ang kurso niya? Well, ani na siya. Ang parents ni Sungmin ug Sunny kay busy pirminte. Sa una kay naa na silay mga katabang pero tungod kay di ganahan si Sungmin sa ilang mga luto (usahay kay parat ra kaayo ang kalabasa o dili kaha kay lata kaayo), ginapansesante niya tanan. Hangtod sa narealize niya na imbes mangita silag katabang, siya na lang ang magtry magluto. Ang Sunny man gud kay di nimo maasahan. Nagtry si Sunny magluto one time niya nag-aso2x ang kalan ug hapit na masunog ang kusina. Mao to, niana si Sungmin na tungod siya ang mas tigulang (ug dili pud niya gusto iasa ang pagluto sa iyang kalabasa sa uban), siya na lang ang magtuon ug luto.

Beinte-singko anyos na siya pero nagaskwela gihapon siya. Dili ni tungod sa sige siyag kabagsak. In fact, taas iyang mga grado ug scholar pa siya sa school. Dili lang jud niya gusto moundang ug skwela kay nabisto niya na ginailisan ang recipe na ginatudlo kada-sem. Mao to sige siyag enroll kay gusto niya matun-an tanan. Supportive pud ilang parents sa iyaha pero giingnan siya one time sa iyang mama na kung gusto jud niya ug maayo na education sa pagluto2x kay mag-Joji Ilagan na lang siya, pero wala siya nisugot kay sayangan siya sa kwarta. (mura bag dili pud sayang ug kwarta ang iyahang ginahimo)

Bale kani si Sungmin ang ideal son sa mga inahan sa Brgy 39-A. But-an, itsurahon, brayt, hilomon, nya maayo ang batasan. Tanang mga tao na wala pa niabot ug 30 kay kabalo na kauban siya sa mga paloy. Ang problema, walay mutuo na mga tigulang sa ilaha. Kay ngano? Si Sungmin man gud, di nimo ni makit-an motambay kauban ang mga paloy kada hapon (alas-otso man gud mahuman iyang klase). Mao to paguli niya, gabii na. Kada gabii ra na siya makigtambay sa ila pag wala nay adlaw nya ang suga lang sa dalan kay kanang gikan sa poste sa Davao Light ug sa mga bintana sa mga tao na dili pa katulugon. Kabalo na ta na pag inganang orasa, ang mga tigulang, nangatulog na. O dili kaha, nagtan-aw ug Mara Clara. Mao to di nila maispotan si Sungmin na nagalaroy2x nya gahubog2x sa dalan.

Low profile kaayo ni si Sungmin pag-abot sa kalokohan. Tarong man unta ni sya na bataa pero pag makainom na, mura nag iro na gikagid pag magbinuang. Kung si Kangin kay kusog au manginom ug Red Horse, si Sungmin kay mga hard. Naa toy one time na sa kalagot sa mama ni Wookie kina Jay kay nanirado siyag sayo para di na makashotting session ang mga amaw. Kasuya ra sa inahan ni Wookie kay wala siya kabalo na ang Sungmin, naa diay stock ug Tanduay/Gilbeys/Ginebra/The Bar/Shoktong sa iyahang kwarto. Mao to nakapamalikas siya kay mas hugaw dayon ang atbang sa iyang tindahan paggawas niya pagka next morning. Nagbalandra ang mga bote ug panit sa balut.

Naa pa tong usa ka gabii na sa sobra kahubog ni Ming kay nangihi siya sa pader sa kapitan sa barangay. Wala pa jud nakuntento ato, nagdrawing/nagvandal pa siyag dako au na kalabasa gamit ang iyahang ihi didto. Pagkabuntag kay nakit-an sa kapitan mao to nag-alburuto. Niya ang gipasanglan kay ang Yesung na hari sa mga paloy. Ana ang kapitan, kalabasa raw ang givandal sa Yesung para si Sungmin ang makasab-an pero kabalo daw jud sila na siya ra jud na. Kay siya man ang leader!

Pero maski in-ana, dili jud ni maglagot ang mga paloy kay Sungmin. Kay but-an man nya maasahan nimo sa tanang oras. Murag tong one time na nagriot ang mga paloy ug ang ilang kalaban na paloy sa Brgy 39-B. Si Sungmin jud ang usa sa mga nagheavy back-up sa leader na si Yesung. Ang problema ra, nahibal-an sa kapitan ang gubot kay naay "fancam" na nakuha atong riot. Ang isyu? Wala ang nawng ni Sungmin sa video. Gituyo man gud sa nagvideo na di siya kuhaan kay abi niya bystander lang ang paloy na naapil sa gubot. Ilado man gud na good boy. Bale tong nagkashagitanay na sa presinto, nagdrama ang Sungmin na testigo daw kunuhay siya nya ang mga taga-Brgy 39-B ra jud ang naguna-una ug bugbog sa iya nya niresbak lang ang mga paloy.

Ug tungod kay siya si Lee Sungmin na but-an, itsurahon, brayt, hilomon, ug maayo ang batasan, nituo ang kapitan ug nakalusot na sad ang mga paloy.

Kani si Sungmin ang numero unong paloy. Ang iyahang super power kay ang iyahang stealth ability mao siya ang secret weapon sa mga amaw. Atangi ang iyang ubang adventures kauban ang mga taga Brgy 39-A.

SPOILER: matan-aw ra gihapon ninyo ang "fancam" na among ginaiingon sa susunod na mga kabanata.

---
read tagalog translation HERE

Yesung, hari sa mga paloy

Kani si Yesung, dili na diay 19 iyang edad. Ana man gud daw sila nga dili katuohan nga 26 na siya, giganahan pud ang amaw. Giingon na lang niya na 19 siya aron maganahan ug samot. Feel pud kaayo sa kagwang.

Kabasa man mo atong slumbook na iyang giansweran tong niagi nga adlaw noh? Unya natingala mo ngano puro tortol iyang tubag? Kani diay si Yesung, naa ni siyay tulo kabuok nga tortol. Katong niadto man gud ang mga paloy sa Times Beach nakit-an niya si Ddangkoma naglakaw na hastang hinaya, unya naluoy man siya sa tortol. Kung ngano Ddangkoma ang ngalan sa iyang tortol, siya lang makabalo ana. Dili man gud mutug-an ba, murag tala. Unya pagkasunod kay naligo sila didto sa dagat sa may Statwa ni David kay naa na pud siyay nakit-an duha kabuok na tortol. Ang isa pirting gamaya, manggigil ka sa kagamay. Sa dihang naluoy na pud ang paloy, gikupkop na pud niya ang duha ka tortol. Bale tulo na iyang tortol karon na nakabutang sa shoe box na puno ug buslot aron makahinga pud daw ang mga tortol.

Barker sad diay ni si Yesung. Actually sa Buhangin jud siya gabarker pero pirmi na lang siya maadto sa Mandug na pirting layua. Kung ngano na, wala pud ko kabalo. Ay tama diay, naay masugid na supporter ning si Yesung (oh diba, bongga siya, ang ubang paloy kay way ing-ani) na si Pook-ka. Si Pook-ka taga-Toril jud na siya. Halos adlaw-adlaw gaadto si Pook-ka sa Mandug aron makit-an lang niya si Yesung magbarker. Para makabalo mo, pirting layua ang Toril sa Mandug. As in. Makatulog na lang ka na nagtulo ang laway sa kalayo sa biyahe padulong Mandug. See, ing-ana kasupportive si Pook-ka.

Si Yesung ang hari sa mga paloy. Kung irank nimo sila, siya ang #0, ing-ana siya kapaloy. Walay makiglalis ana sa Brgy. 39-A na siya ang pinakapaloy sa tanang paloy na nabuhi sa ilang baranggay. Pagkahuman man gud niya ug barker sa kuan, sa Mandug diay kay mudiretso na siya sa tindahan nila Ryeowook, inom dayon ug bugnaw na Pop ug Boy Bawang na pambara habang gashot ang ubang paloy. Dili man gud siya kashot ug Red Horse ba kay dali ra kaayo ma-GG, mao nang pirmi siya sungugon ni Kangin ug Shindong. Hantod sa hantod na ang pagtambay ni Yesung sa tindahan nila Wookie. Wa man gud siyay kadula sa ilang balay kay ang iyang manghud na si Jongjin magsigeg date-date didto sa ukay-ukayan sa Rizal.

Kung unsa pay mga pangahitabo sa kinabuhi ni Yesung, atong atangan sa sunod niyang adventures.