PAHALIPAY NI JINO

EXCITED NA KAAYO SI YESUNG O! Response di ay ni niya kay Siwon. Ani daw dapat magbudots ang mga paloy. Kung paloy ka, dapat ana daw ang nawong. OH YEAH! OH YEAH! OH YEAH YEAH!

Nagtigom-tigom napud ang mga paloy karong adlawa. Pero sa tinuod lang, murag walay adlaw nga dili sila magtipon-tipon, magkita-kita magbudots budots sa tunga sa lasang. Pero karong adlawa, dili basta basta na pagkita-kita kay naa daw silay icelebrate. Kung nakit-an ninyo ang imbitasyon sa ubos, mao na ang rason. Karong adlawa, Junyo 23, 2012, ang launching ug ribbon cutting sa ikaduhang raket ni Jino. Ang PAHALIPAY NI JINO – Tindahan na naa sa Linya (ONLINE SHOP GUD!)! Nagtarong na baya jud sya mao naa na pud syay isa ka negosyo. Di na baya siya nagahit-hit ug marijuana. Ni level up na man gud sya. If you know what I mean pero malamang wala. Sa sunod na nato na istoryahan.

Daghan siguro mog pangutana no kung unsa nang sideline ni Jino na PAHALIPAY NI JINO? Basi matubag ang inyong pangutana kung basahon ninyo nang naa sa ubos.

NGANONG NAAY BAG-ONG RAKET SI JINO?

Bisag ni baba na ang presyo sa gasolina karon, naa man pud daw krisis sa Europe. Affected kayo si Jino ani. Ngano? Actually wala ko kabalo. Basta affected lang daw sya. Human, ang mga paloy, nagsige ug sinamok sa iyaha. Patok man daw gud iyang Jino’s Burger mao sige syag gina hut-hutan labi na ang leader sa mga paloy na si Yesung para pang glue nila ug pang pulang kabayo. Mao love jud nila ni si Jino ba. Si Key ug Zhoumi sad sigeg pangayog warta sa iya pampalit daw ug make-up. So si Jino pirmi walay kwarta. Samot pa jud na wala sya nag debut as EXO. Nganong wala sya nagdebut? Sunod na lang namo ikwento. Ang plano para sa iyaha na magdebut kay nataguan na mas ilalom pa sa Yamashita treasure. In short, LOST. TUNGOD ANA~ Naa sya’y magsideline na lang daw sya para nay extra kita!

NGANONG “PAHALIPAY NI JINO” ANG PANGALAN?

Wala man gibawal sa bala-od ang pagpangalan ana na pangalan di mao ang iyang gipangalan. Kamo jud. Usa pud ka rason ang nasulat sa taas. Pahalipay sa mga ugok nga paloy ug pahalipay sa iyang sarili kay ni level up na pud baya sya. Di na syag marijuana kanang kuan... sunod na lang.

SO! Mao di ay ni ang facebook page sa iyang tindayan sa linya: PAHALIPAY NI JINO <- Pinduta lang. 

UNSAON PAG ORDER? BASAHA SA NANG SA UBOS.

UNANG BATCH DI AY NI. KINAHANGLAN MI UG ORDERS DILI MU UBOS SA 25.

SUGOD SA ORDERS: KARON! ALANGAN! JUNE 23, 2012

MAHUMAN ANG PAG ORDER: JULY 15, 2012

ULAHING ADLAW SA PAGBAYAD: JULY 18, 2012 Sorry na lang sa dili kabayad.

TERMS AND CONDITION sa Pahalipay:

ANG MGA MUPALIT UG ANG GINABALIGYA

1. Seryoso. Ang mu-order seryosong mupalit. Kung nagbinuang ka, hala! Hagbasa ang sagbot sa ilok ni Changminkay sagbot kaayo!

2. Tanan na ginabaligya sa tindahan ni Jino kay gikan ug Korea. Original tanan. Walay peke! Unsaon na lang. Basi itakwil syag samot sa iyang mga tropa unya basig mas lost pa sa Atlantis iyang pagdebut. Tsk. CD, DVD, PHOTOBOOK, KALENDARYO LANG DI AY ANG GINA PA-ORDER NI JINO. Kung wala inyong gusto, aw, ingnan jud ka namo.

3. Actually, iyang mga tropa ra jud iyang gina supportahan. Kanang CD nila Kibum sa Ukiss ay ni Kibum di ay sa SHINee ug kinsa gani tong isa ka Kibum? Anyway, CD nila nang Victoria, sa Dodong Bangag Sigeg Kiat aka DBSK etc. In short CD lang sa mga taga BRGY. 39-A PERO PERO PERO PERO! PWEDE SAD DAW MO MU ORDER UG CD SA TAGA UBANG BARANGAY! Pangutan-a lang daw sya sa presyo. Mao ni email ha: pahalipaynijino@gmail.com


PAGBAYAD

4. Kinahanglan magbayad usa bag-o namo orderon ang inyong gusto paliton. Naglisod na gani si Jin okay sigeg pangayo ang mga paloy, dungagan pa gyud nimo.Magbayad tanan sa UNIONBANK, ang bangko sa mga paloy. I hatag lang namo ang detalye paghuman ninyo ug padala sa order form.


MGA PANGUTANA?

5. Para dili daw mastalk si Jino, through email lang (ug sa facebook chat, message, comment) tanan namo tubagon ang inyong mga pangutana. Privacy is the best policy daw kuno. Mura bayag nagdebut na unya istalk. Buang jud. Pero sa tinuod lang, wala man gud syay kwarta pang load mao gani nagsideline sya. Mao di ay ni ang email address: pahalipaynijino@gmail.com


PAG-ABOT/PAGPADALA

6. Gikan sa deadline sa pagbayad, naa sa mga isa hangtod tulo ka semana bag-o mu abot ang mga gipang order. Hulat lang mo. Ayaw kabalaka. Ang kita lang ni Jino ang iyang ipampalit ug bato, glue ug pulang kabayo sa mga paloy.

7. Mudawat mig order bisan asa man ka sa kalibutan basta ikaw bayad sa pagpadala. Pero! Kung makateleport ka diri para kuhaon imong gi order, aw! Mas maayo! Di ka kagasto! :D Pangutan-a lang mi kung tag-pila ang shipping kay mangutana pa pud mi sa courier. Sa karon wala pa mi rates.


PAGKUHA SA ORDER

8. Kung taga Davao mo or kung duol mo sa Davao, maayo. Makita-kita ta. Mao ning mga lugara kung asa mi pwede magset ug mass meet-up: Victoria Plaza, Gaisano Mall, SM ug NCCC. Sa Brgy. 39-A unta to pero basig masaag mog pangita. Lisod na. Mag-announce lang mi kung asa ug kanus-a.

9. Magbayad pa mi ana? Kung mu uban mo sa kadaghanan, kanang sa english kay mass meet-up, libre na na pero kung ispesyal jud na dili ka gusto mu uban sa kadaghanan, aw maningil mig 30 ui! Bayad sa plete unya sa singot singot namo sa jeep unya naa pa juy bahog ilok makatapad. Paita! Pobreng bata baya si Jino. Dili mi tagaan bisag plete. Tan-awa ra jud nang paluya na!

10. Unsa among dalhon pag claim? Imong sarili, sanina nimo kay mapatay tag naghubo ra ka, pamasahe pauli ug pinaka-importante valid ID nga nagapamatuod na ikaw si Kurdapya o si Kordapyo.


SA MGA DILI KASABOT / TO THOSE WHO KENOT UNDERSTAND

11. HALA! Muship mo bisan asa pero bisaya man inyong instructions. Unsaon na lang ang mga tagalong? ITRANSLATE NI BE. SALAMAT. TAGAAN KA NI JINO UG SPECIAL BORJER NIYA UG KISS GIKAN SA PET ULOD YESUNG.

12. HINDI PO AKO NAKAKAINTINDI NG BISAYA! I KENNET UNDERSTEND BISAYA NOR CEBUANO~ Email us ok? Here's our email: pahalipaynijino@gmail.com Even if Jino is very paloy and sometimes very bugo i mean very idiotic moron, he can understand Engrishi I mean English. Ok? WOW! OK!

KINSA NAGPADAGAN ANI

13. Basi mangutana mo kung basi binuang lang ni, DILI NI BINUANG. Naghire di ay si Jino ug mga tao para ani kay naga training pud baya sya kay gusto pa lagi sya mag debut. Itago na lang nato sila sa pangalang Agents B, J, JJ, JJJ, K, KK, D, L, T, ug C. Kung kaila mo sa mga nag-organize sa SMTown Mindanao, sila na. O kanang mga tao na nakasulat sa kilid aning blog.

14. DILI LAGI NI BINUANG! MURA LANG. Naa na mi anang gipamaligya sa tindahan ni Jino. Tag-duha pa! JUK!

15. BARATO LAGI? AW. BARATO JUD! Pang masa ang motto ni Jin okay uyamot pud baya siya. Uyamot na gani, gina pangayuan pa jud. Sige lang. Choks ra daw na. Mabukad na man sad iyang atay kung nalipay iyang customer na barato ang iyang baligya. No. 15 tong wa pa naghubo-hubo si Kibum unya tong wala pa nag-going international si Geng sa China. International baya kaayo ang China. Naa siguro Thailand, New York, Japan didto. JUK!

16. Unsa pa? Wa na koy mahuna-hunaan. O. SERYOSO JUD NI. MURAG BINUANG LANG. :D 

Taas no? Gikapoy mog basa? Ako sad gikapoy ug huna-huna ug type ani. BASAHA HA! Bantay lagi!

Kay humana man daw kag basa, ORDER NA! :D

ADTO DIRI http://www.emailmeform.com/builder/form/T9Dre196F77Q8Ueae95af UNYA ANSERI NA. :D Maghatag mig confirmation email kauban ang detalye sa inyong order ug kung asa magbayad paghuman ninyog fill-up. OKS? OK.

UNTA SUPPORTAHAN NINYO ANG SIDELINE NI JINO! Kaluy-i sad ninyo siya ug ang mga uyamot nga paloy.

DAGHAN SALAMAT! Trololololol

OI SERYOSO NI HA!

Ay, mao di ay ni picture sa mga paloy tong nagribbon cutting. Kalimot nuon kog ingon. Taas man gud ang instructions ni Jino ba.

-inserts ribbbon cutting picture-

Mga presyo sa karon: KUNG WALA DIHA INYONG GIPANGITA, i-email lang si Jino.

SMTown

2009 Summer Mini Album - 530

2011 Winter: Warmest Gift w poster - 670

SM the Ballad w poster - 560.00

Show me Your Love - 430

Haru OST (SHINee, SJ) - 650

SMtown Live World Tour Photobook - 2500

DBSK 

1st single: Hug - 390

Hug / International Version (CD+DVD) - 620

2ns single: The Way U Are - 425

1st album: Tri-Angle - 610

2005 Summer Single / Hi Ya Ya - 485

2nd album: Rising Sun - 610

Vacation O.S.T - 425

3rd album: 'O' ver. A (+28p pics) - 650

3rd album: 'O' ver. B (+DVD) - 650

3rd album: 'O' ver. C (+ Vacation Making DVD) - 650

3rd album: 'O' ver. D (+Showcase & MV DVD) - 650

1st Live Concert Album : Rising Sun (2CD) - 710

The 2nd Asia Tour Concert ‘O’ (2CD) - 680

The 3rd Asia Tour Concert: MIROTIC (2CD) - 775

Keep Your Head Down Normal ver. - 695

Keep Your Head Down Special Ed. - 1020

Keep Your Head Down Repackage - 1020

All About DBSK season 3 w poster - 2075

2006 Live Concert : Rising Sun DVD - 1250

2nd Asia Tour Concert 'O' - 1250

3rd LIVE TOUR 2008 ~T~ - 1395

4th LIVE TOUR 2009 ~The Secret Code~ FINAL in TOKYO DOME - 1465

JYJ The Beginning (New Limited Edition) - 960

JYJ - Their Rooms: Music Essay - 1295

Xia 1st Album: Tarantallegra w poster - 920

JYJ Worldwide Concert In SEOUL [5 Disc + Photo Book] - 4000

Trax 

2nd Mini album: Oh! My Goddess - 570

3rd Mini album: Blind - 570

SJ

1st Asia Tour Concert: Super Show 1 2CD - 680

2nd Asia Tour Concert: SUPER SHOW 2 2CD - 765

3rd Asia Tour Concert: Super Show 3 CD w poster - 820.00

1st Album: SuperJunior05 - 600

2nd Album: Don't Don - 670

2nd Album: Don't Don Repack (CD only) - 660

3rd Album: Sorry Sorry Ver A - 670

3rd Album: Sorry Sorry Ver B - 670

3rd Album: Sorry Sorry Ver C - 700

4th Album: Bonamana Ver. A - 670

4th Album: Bonamana Ver. B - 670

4th album: Bonama Repackage - 680.00

5th Album: Mr. Simple Ver A w poster - 820.00

5h Album: Mr. Simple Ver. B w poster - 700

5th Album: ACha - 790.00

1st Single: U - 415

Victory Korea - 440

SJ-T Rokkuko - 415

SJ-H (Cooking cooking) - 540

SJM 1st Album: Me - 650

SJ-M Super Girl single - 560

SJ-M Super Girl CD+DVD - 1800

SJ-M Perfection repackage - 760

Sweet Meomories with Super Junior - 755

Oh My Lady OST (Siwon) - 640

Hyena OST (KRY) - 640

Supr Show 1 DVD - 2250.00

Super Show 3 DVD - 1560.00

Super Show 3 photobook - 1100

SNSD

Into the New World single - 430

1st album: Girls' Generation - 620

1st album repack: Baby Baby - 620

1st mini album - Gee - 560

2nd mini album: Genie - 570

2nd album: Oh! - 695

2nd album repack: Run Devil Run - 700

Mini Album: Hoot - 570

The 1st Asia Tour: Into The New World CD - 825

3rd album: The Boys w poster - 800

3rd album repack: Mr. Taxi w poster - 750

TTS - Twinkle w poster - 680

Sweet Memories with SNSD - 760

Heart 2 Heart with SNSD - 710

Love Rain OST part 1 (Yoona) w poster - 650

Love Rain OST part 2 (Yoona) w poster - 650

Fashion King OST (Yuri) - 670

The 1st ASIA TOUR : Into the New World DVD w poster - 1455

GIRLS' GENERATION First Photo Book : 少女 (In Tokyo) - 2375

SHINee

1st Mini Album: 누난 너무 예뻐  - 555

1st Album: SHINee World Ver. A - 635

1st Album: SHINee World Ver. B - 635

1st Album Repackage: A.Mi.Go. - 635

2nd Mini Album: Romeo (May choose versions) - 555

3rd Mini Album: 2009, Year of Us - 555

2nd Album: Lucifer Ver. A - 665

2nd Album Repackage: Hello - 680

4th Mini Album: Sherlock w poster - 655

SHINee The 1st Concert: SHINee World Audio CD (2 CD) - 845

2012 Desk Calendar - 935

2012 Wall Calendar - 980

2012 Diary - 785

SHINee in Barcelona - 1355

f(x)

Electric Shock w poster - 640

Nu ABO - 565

1st Album: Pinocchio - 705

1st Album repack: Hot Summer w poster - 785

EXO-M & Korean cover group ay EXO-K di ay sorry

MAMA w poster (M) - 590

MAMA w poster (K) - 590

BONUS: Si Sooyoung ug um... ambot lang ni si Kyu gigahanan pud sa bag-ong raket ni Jino.

IMBITASYON

Kamo nga nagabasa ani gina-imbitahan ug gina-awhag ni Jino na mu-attend ug mutangkilik sa bag-ong raket ni Jino na ipalupad, ay wrong term, na pagasugdan KARONG SABADO, JUNYO 23, 2012 sa ALAS 6 SA GABII! Unsa iyang bag-ong raket? Makabalo ra mo.... sa Sabado.

Mu attend di ay ang mga paloy ani. Supportahan jud daw nila ang bag-ong kabuang ni Jino. Love baya nila si Jino. Kung kabalo lang jud mo. Love jud nila kaayo si Jino. Ngano? Mahibal-an lang na ninyo karong Sabado.

Excited na pud di ay kaayo sila. Si Siwon excited kaayo pero mura rag dili. Awa ra o. Excited lagi na sya. Ana man gud daw ang proper way pagbudots. Oo. Ana daw ang proper way. Dapat daw seryuzzz peys unya dapat ifeel jud sa lawas ang pagbudots. So kamo, kung magbudots pud mo karong Sabado, ingon ani ha!

OH YEAH OH YEAH! 

Jino's Burger

Kung isa mo sa naga wonder kung na unsa na si Jino, pwes i-update ta mo.

Si Jino diay nakagawas na sa rehab sa Mawab mao ng niuli sya sa ilahang barangay kay magtinarong na daw siya. Naghapit pa diay sya sa TaguMarijuana (a.k.a TAGUM) City para palitan ug marijuana and katol ang EXO, iyahang bagong recruits.

Naka decide si Jino na magtinarong na ("sort of") kay nakita niya na successful ang EXO ug naging ilado na sila. Maningkamot sad daw sya na makilala sa tao iyahang pangalan na.... JINO. Gusto niya madunggan maski asa ang iyahang pangalan kay naibog sya'g maayo sa EXO. Maski daw ang tindera sa candy na naa sa bus na gisakyan niya pauli sa Brgy.39-A kay sige ug ingon na "EXO mo, EXO mo diha, Gusto kag EXO sir?"

Mao nang nag enrol si Jino sa Totoy's Educational School Dapit sa Agdao or mas kilala sa ngalang TESDA. Ang iyahang kurso na gikuha kay BS B.M. (Bachelor of Science in Burger Making). Didto sya nakatuon paano maghimo ug lami na burger na siguradong magustuhan sa Brgy.39-A ug iba pa na mga baranggay. Aktwali, one week course lang to sya mao nang nakagraduate dayon si Jino.

Pagkagraduate jhud niya,nag-umpisa na si Jino na magtukod ug iyahang tindahan sa gilid sa parlor nila Victoria. Si Jino mismo ang nagpanday, nagsemento, mao nang maingon jhud nimo na iyahang negosyo kay gikan sa dugo ug pawis (literally). Gisigurado sad ni Jino na naay "Hithit Area" ang iyahang tindahan.

Nag start na ug hiring si Jino ug staffs para sa iyahang tindahan. Gikuha ni Jino si Key as cashier kay expert sya pag abot ug kwarta2x pero gibalaan daan sya ni Jino na dili magkupit pampalit ug iyahang make-up. Si Jjong K. as kargador ug stocks (as expected), si Minho as errand boy kay paspas daw mudagan. And finally, ang EXO boys as waiters mao nang wala pa nag open ang burgeran, nagcamping na ang mga tao sa gawas ani and mostly babae ang naa.

April 20, 2012 nag open ang burgeran ni Jino, ug ang gipangalan "JINO'S BURGER". Ang specialty nila kay XXL Burger or mas ilado sa tawag na TBB or THE BIG BURGER. Trend diay karon ang acronyms sa Brgy.39-A. Kung kinsa ang pasimuno ana, wala sad ko kabalo.
Balik ta sa burger, kani sya kay dako kaayo. Dili kaya sa isa ka tao hutdon ni sya na burger kay good for 6 persons man ni sya. Presyong maka-masa sad si Jino. Ang usa ka TBB kay tag 50Pesos lang.

Nagawonder mo nganong barato kaayo no? I-reveal nato ang secret ni Jino. Actually ang pan aning TBB kay made of:
Tubig + A Secret Ingredient Nknown (ASIN) + Gawgaw + Harina
Ang ASIN ang reason nganong lami ang TBB. Dili jhud mutug-an si Jino kung unsa ning ASIN.

As of today, ang JINO'S BURGER ay isa na sa pinakasikat na lugar sa Brgy.39-A. Mao na sad ni sya ang bagong tambayan sa mga paloy. Pati ang game adik na si Kyuhyun naga sigurado na makahapit sa siya Jino's Burger bago ang iyahang pakikipagsapalaran sa laro ng DOTA.

Sigurado ko na daghan ang stories na mag take place sa Jino's Burger. Kung unsa ni sya nga mga stories, Abangan!

It's our show, it's our time...

Katong niaging tuig niapil diay ang mga paloy sa Showtime. Aw, nisulay ra diay. Pero wa sila nadawat sa audition kay hastang yagita sa mga paloy. Yagit sa ngatanang yagit ang tirada. Wa nisugot ang judges kay dili jud daw mabangbang ilang kayagit. Niana na lang sila na mobalik sa sunod nga season, basin masulod na sila.

Mao toh, pirting prinaktisay sa mga paloy sa ilang eber belabed basketbolan. Nalahi man ang format para sa bag-ong season, so nangihanlan silag dancers para mosayaw sa barangay habang sila gasayaw sa didto sa studio.

Kinahanglan man sa mga paloy og at least 20 dancers para sa Remote Area. Dili naman pwede ang Dodong Bangag Sigeg Kiat (DBSK) kay sukad atong nadaog sila sa singing contest kay sige na silag kanta sa Station 91 kada miyerkules. Gakanta pud sila sa panagsa sa Hot Legs kung matripan ni Yoochun na mokanta sila didto. Char ra gud nila aron magkachicks ug daghan.

Ang SHINee, sure-sure na nah sila na apil sa dancers. Si Minho ang nagvolunteer sa upat na moapil sila sa sayaw. Unsaon na lang ang trainee status sa pagkapaloy. Si Taemin pud kay game kaayo atong pagkahibalo niya sa sayaw-sayaw. Si Key nagahan ug taman-taman kay ana siya "malabay-labay na jud ko sa ere ani!" Hidden desire man gud niya mahimong cheerdancer, pero unsaon man, dili man uso ang cheerdance sa ilang dapit. Gibira dayon ni Key si Jonghyun kay si Jonghyun daw lagi ang molabay niya. Sayang ang iyang pagka-kargador kung dili mapuslan diba? Si Onew kay nisugot na lang ug apil kay basin mosugot na ang mga paloy na ipadula na siya sa sunod nga liga.

Bale lima na sila, kulang pa ug kinse kabuok. Gipaapil sa mga paloy ang mga ineng na si Luna ug Sulli. Kinahanglan man gud nilag tig-split ug cartwheel aron mas dako daw ang impact sa ilang performance. Di man magpalupig ang ubang babae sa barangay, apil pud sila. Si Sooyoung jud ang nag-una2x kay extended member ra ba siya sa mga paloy. Wa na nagduha-duha si Hyoyeon ug apil kay sayaw na gud na. Ang bag-ong balhin na si Yoona kay niapil pud. Atik-atik ra diay tong iyang pagkadalagang Pilipina, utro pud na yagit na bayhana.

Ang nipuno sa slots para sa dancers kay ang EXO. Bag-o ni sila sa Brgy. 39-A, mga recruit ni Jino bag-o siya gilabay sa Mawab para irehab. Nagsige na lang ma gud siyag singhot ug rugby. Dah lagi, gipadala sa laing nasod. Anyway, balik tah sa EXO. Originally, duha jud ni sila kagrupo, ang EXO-K ug EXO-M. Ang ginatira sa EXO-K kay katol, ang EXO-M kay marijuana. Pareho man na color green ilang mga ginatira, so nagdecide na magsanib-pwersa. Kung unsay connection sa EXO sa color green, kana ang wala tah kabalo. High man gud sila atong gibuhat nila ilang pangalan. Ayaw kabalaka kung medyo vague pa ang katauhan sa EXO karon. Ipaila-ila pud namo na sila sa inyo mao hulata lang.

Anyway, ang role ra gyud sa EXO sa sayaw kay props men ug tigsindi para sa smoke effects sa performance sa mga paloy. Buang man ning mga adik na ni, mga katol ug marijuana ilang gipangsindihan. Na-high silag pinahawd. Makaingon na lang kag "aguy" sa nangahitabo sa performance.

Kung unsay nahitabo before, during ug after sa performance sa studio ug sa remote, abangan!

Ug kung kinsa ang mga miyembro sa EXO, sa sunod nato sila ila-ilahon. Interbyuhon pa man gud sila, kanang dili sila high.

Si Jino

Nangatik ra diay mi tong nag-ingon mi na bakling si Jino. Actually, di siya bayot. Magbinayot unta siya kaso nasuko man si Key. Pag si Key masuko, mabuak ang tanang samin sa Brgy 39-A mao ang Jino wala nadayonan.

Dili man pud jud bayoton si Jino. Inosente ra jud siya mao ang mga paloy, ginabinuangan siya nya ginapasuot sa iya ang mga sanina ni Sunny ug ni Taeyeon. Tungod kay bata, wala siya kabalo sa nahitabo. Abi niya, okay ra. Naa man pud ang iyang amahan/inahan na si Zhou Mi pero ang dagkong bayot wala gikasab-an ang mga paloy. In fact, siya pa ang naguna-una mamicture gamit ang DSLR na "gihulam" ni Kangin tong usa ka adlaw.

Daghan-daghan pa nig ginapambuhat sa iyaha ang mga paloy. Last week lang kay gihatagan siyag cellophane nya gisugo sya na huyupon to. Ang cellophane kay naay sulod na rugby. Mao ang bata, gihubak! Diri nasuko si Zhou Mi. Mao pagkanext time, gisigurado niya na gawgaw na lang ang ibutang para at least hypo-allergenic.

Kung unsa man ang mahitabo pa kay Jino kay ato na lang hulaton. As of now, iapil na lang ng bataa na ni sa inyong mga prayers. Amen.

---

read tagalog translation HERE

Meet the Cast

Setting: Brgy 39-A, kilid sa SM

Characters:

Ang Super Junior ang grupo sa mga paloy. Kani sila tong makit-an nimo na nagatambay sa kilid sa kalsada kada hapon. Si Hyukjae ug si Donghae tong makit-an nimo na pirminte gagamit sa basketball court na gidonate ni Congressman Nograles. Magbasketball2x ra sila nya si Shindong kay naa sa kilid. Scorer. Gainom ug coke ug gakaon ug chippy. Duol ra ang basketbolan sa sari-sari store sa inahan ni Ryeowook. Kaning si Wookie gatabang ni pirminte sa tindahan. Kanang tindahan nila Wookie ang tambayan sa mga paloy. Dinha na sila magmeet-up para magtong-its or magtambay lang ug magsitsit sa mga moagi na mga chicks. Si Kangin kay number one customer. Nya ang iyang listahan ug utang pud kay kasintaas sa listahan ug porno vids ni Hyukjae na ilang ginatan-aw kada nagasleepover sila. Kasagaran na ginautang ni Kangin kay yosi, sparkle, ug red horse. Joke lang bitaw, una tong red horse.

Si Teukkie tong resident responsible child. Dose ang iyahang mga manghod nya gibilin sila sa ilang amahan tong bata pa sila. Mao to ginatabangan niya pirminte iyang mama maghanap buhay. Usahay kapag maglabandera iyang mama kay magside-line siya magbitbit ug mga balde para sa mga tao. Tungod ani na sideline mao siya nagka-abs. Lahi-lahi ang sideline ni Teuk; natry na pud niya magwaiter sa Mang Inasal ug mamaligya ug ukay-ukay sa may San Pedro. Kada hapon pag uli niya tawagon na sya ni Kangin kay magtambay sa sila na mga paloy sa tindahan nina Ryeowook.

Tulo na sila magbestfriend. Si Teukkie, Kangin, ug Heechul. Kani si Heechul ang pinakasikat na tao sa Brgy 39-A. Ana sila mas sikat pa daw siya gamay sa DongBang (unya storyahan nato nang DongBang). Abi sa mga tao sa una, myembro siya sa DongBang kay sige syag uban sa ila pero sa tinuod lang, pirminte japon na siya kauban sa mga paloy. Chickboy ni si Heenim pero ang mga babae niya kay gikan sa ubang barangay. Mao masuya pud ang ubang babae sa Brgy 39-A kay ginadeadma sila ug maglibog sila kung bayot jud ba siya o dili. Kaning si Heenim ang titleholder sa Ms Gay sa ilang barangay since tong una siya niapil (which is 10 years ago). So bale kapag Ms Gay pageant na, murag dili sya pageant kay coronation na lang.

Sige uban na si Heenim kay Hangeng. Kana si Hangeng anak sa intsik na tag-iya sa bakery dapit sa sari-sari store. Ana sila nagapamaligya daw pud ug shabu to iyang papa mao nihawa sila ug nibalik sa China kay nabisto na sila sa mga pulis. Pero maski in-ato ang chismis sa iyang amahan, walay lahi na maingon ang mga taga-barangay kay Hangeng kay buotan kaayo siya. Kada Chinese New Year kay manghatag na siyag tikoy sa mga tao. Ug hawod pud siya manayaw mao pirminte madaog ang Brgy 39-A sa mga interbarangay dance competition kay powerhouse kaayo sina Geng, Hae, Hyuk, Shindong, Yunho, ug Junsu.

Pinsan ni Hangeng si Zhou Mi. Ang pamilya ni Zhou Mi kay taga-Binondo dyud. Gipadala siya sa Mindanao kay para malalake daw siya kay wala na siyay lahi pang ginahimo sa una kundi motambay sa mga gay bars sa Ermita. Pero wa man! Nasamot ang pagkabayot sa amaw tong nailhan niya si Heechul. Napressure sya kay maski dili magbinayot ang Heenim, gwapa gihapon. Mao ning si Zhou Mi, nahimog murag apprentice. Naa siyay giadopt na batang kalye na nakit-an niya one time na natulog sa Aldevinco. Giuli niya sa barangay nya gihimo niya na iyahang Mini-Me. Kaning bataa ni, kani na siya si Jino. Ang intrigerang munting bakling ng Brgy 39-A.

Dili lang sina Geng ang intsik sa barangay. Naa pa si Henry. Pero kani si Henry, dato jud ilang pamilya. Naa na silay share sa stocks sa SM. Kung giunsa to na didto sila gapuyo sa Brgy 39-A kay walay nakabalo. Si Henry tong bata na talentado kaayo. Promil Kid. Siya ang representative sa Stella Maris sa tanang mga music competition. Ang mansyon nila Henry kay duol sa GKK. Dinhi sa GKK nagavolunteer si Siwon. Siya ang galimpyo sa altar, gadilig sa tanom, ug usahay nagasakristan pud. Pasalamat au ang pastor sa iyaha kay modaghan kalit ang mga mosimba kapag magsakristan na siya. Si Siwon kay Kristiyanong dako mao usahay di katuo ang uban na apil sya sa mga paloy. Walay absent sa simbahan kay mahadlok siya na di siya kaadtog langit. Daghan-daghan man gud na babae ang murag maadtog impyerno tungod niya.

Close si Siwon kay Yesung. Si Yesung kay apil sa ordinary people. Normal student lang sa unang tan-aw kay hilomon. Ginabully ni siya sa mga paloy sa una kay dako au syag ulo para sa iyang lawas. Actually, baga ra jud siyag buhok mao abi nimo dako siyag ulo. Mahadlok na sa iya ang mga batang kalye sa una kay mura siyag emo na hoodlum. Kada mogawas na siya sa ilang balay kay moulan after pila kaminuto. Dili siya nagaraincoat pero di pud siya mabasa ug taman kay ginasalo sa iyang buhok ang ulan. Pero sa tinud-anay, dili siya emo, di lang jud siya anad manudlay. Suki siya sa tindahan nila Wookie mao naapil na pud siya sa mga paloy. Pareha ni Yesung, ordinary person pud ni si Sungmin. Kani diay ordinary people sama ni Sungmin, Wookie, ug Yesung kay tong mga paloy na dili makigapil manitsit ug chicks. Si Sungmin kay homebody. Sa una kay dili ni sya mogawas sa ilang balay pero sukad atong nameet niya si Kyuhyun sa internet cafe kay naapil na sya sa mga paloy. Nagmeet ni sila ni Kyu tong nahutdan ug load ang iyahang Smart Bro nya kinahanglan niya mag-net kay kamatyanon na ang iyang mga kalabasa sa FarmVille. Si Kyuhyun kay stockholder na sa Sequel sa ilahang barangay. Dinha na siya matulog kasagaran para lang magdula ug DoTA. Sa una kay Starcraft ra na iyang gikabuangan pero tungod kay Pilipinas man ta, DoTA na. Nadaog na ni si Kyuhyun sa DoTA tournament na naheld sa NCCC mall sa una. Tanan kay grupo2x pero siya kay siya lang isa. Tungod ani sa iyang pagDoTA na nahasa iyang trashtalking skills mao mapildi na lang ang ubang tao kay madisturb sa iyang mga pamalikas pag magdula na.

Si Kyu unta ang bunso sa mga paloy pero naapil na man si Henry mao dili na siya. Ang best friend niya kay si Kibum. Si Kibum ang pinakaabsenot sa mga paloy meetings. Sa Ateneo man gud sya nagaskwela mao pirmente siya busy. Dato2x pud ni si Kibum kay OFW iyang papa sa America nya sige padala ug kwarta kada semana sa iyaha. Kung dili sya 'busy', librehon niya ang mga paloy sa Barbeking o kaha sa Bigby's. Actually kani si Kibum ug Kyu kay close pud sa pinakabata na myembro sa DongBang na si Changmin.

Kaning DongBang, kani ang grupo sa mga 'bad boy' sa lugar. Shortcut ang DongBang sa DongBangShinKi na ang meaning kay Dodong Bangag Sigeg Kiat. Kung giunsa nahimog 'SHIN' ang 'Sigeg' kay wala na ko kabalo ana. Makitambay pud ni sila sa tindahan nila Ryeowook pero kasagaran jud kay didto sila sa branch sa Hot Legs sa may kanto sa barangay. Didto lang sila sa gawas kasagaran. Payosi-yosi lang ug nagapapogi. Ang tag-iya man gud sa bar kay pamilya nila Yoochun. Mao to didto sila. Si Yoochun ang pinakamatinik sa chicks sa ila. Nidako man gud siya na daghan babae sa iya palibot mao hustler sya. Dili naga-girlfriend si Yoochun pero di pud siya mahutdan ug babae. Ana siya ka-'bad boy'. :))

Ang isa sa mga ginakabuangan na myembro sa DongBang kay si Jaejoong. Hilomon man gud siya kung wala ka kaila niya. Itsurahon siya pero wala pa jud babae na nakit-an na nakauban niya na sila lang. Si Yunho ra pirminte iya kauban. Si Yunho tong murag dili bad boy sa grupo. Class president sya sa iyang section sa Davao City High tos active pud siya sa SK projects. Inlababo kaayo sa iyaha ang mga manicurista sa parlor nila Victoria pero murag wala lang siyay makit-an. Si Jaejoong ra gihapon pirminte iyang kauban. Ana ang mga chismosa, bayot daw ni sila duha. Sayang kay pareho sila itsurahon.

Ang pinakabata sa DongBang kay si Changmin. Sa una kay mura ra na siyag batang paslit na giadopt sa grupo. Hilomon niya maulawon kaayo. Gidungagan pa sa iyahang nawng. Unsaon man, baby face kaayo nya ang nawng dili angayan sa lawas. Mura rag hunk nga gicrop ang ulo niya giilisan sa ulo sa usa ka kindergarten pupil. Pero sukad atong nagkauyab siya, nalahi na. Usahay murag sya pa ang leader2x. Ginapagtripan ni sya pirminte sa mga paloy tungod sa iyang pagkamaulawon pero close siya sa ilaha. Bully siya ug ang iyang paborito awayon kay si Junsu. Si Junsu ang DongBang na murag dili DongBang. Murag harmless man gud siya tan-awn mao pirminte siya malimtan na member. Hawod mosayaw si Junsu. Pag manayaw na siya kay mabuang na ang mga babae. Feel pud kaayo niya ang moment.

Chicks tirada kaayo ang DongBang niya ang ilang counterpart kay ang group nina Lina, Stephanie, Sunday, ug Dana. Mga chicks na sikat kaayo sa barangay. Pero sukad atong naggraduate silag high school kay nawala na sila. Nagskwela sa Manila si Lina ug Sunday nya niadtog US si Stephanie. Si Dana na lang nabilin tos ang bag-o na kabarkada niya kay sina BoA, Yeonhee, ug Ara. Si Yeonhee kay anak sa pastor nya si Ara kay anak sa Brgy Chairman. Si BoA ang SK chairwoman sa barangay. Mga gwapa intawon pero bugay2x pud.

Si Yeonhee, tungod kay anak sa pastor, kay close kay Sooyoung. Si Sooyoung tong batang yagit na murag extended member sa mga paloy. Kuya-kuya niya si Siwon mao kung asa ang amaw, naa pud sya. Nidako ni sya uban ang mga paloy mao bugay2x ug murag laki molihok. Sabaan nya kusog au mokaon sa banana cue na ginabaligya ni Taeyeon. Nagbagong buhay ra ni si Sooyoung sa iyang pagkaboyish tong nagstart na siyag skwela sa Women's. Sukad ato kay murag refined na siya mao kung moagi sya sa kanto kay sitsitan siya ug "Miss, gwapa lagi ka? Unsa imo ngalan?" sa mga paloy. Mokatawa sila nya maapil pud siyag katawa then after ato kay makalimot na siya sa iyang poise kay makig-apil na ug tong-its sa ilaha. Close si Sooyoung sa tanang paloy pero di kaayo kay Kyuhyun. Di man gud maayo ilang first meeting sa internet cafe kay ang Kyu walay plano molog-out nya ang Sooyoung kay naglagot na kay wala pa siya nahuman sa AVP presentation na assignment nila.

Si Taeyeon tong gabaligyag banana cue sa barangay. Ang mga suki niya kay sina Sooyoung, Eeteuk, Junsu, ug Kangin. Si Kangin, sigeg pangutang kina Ryeowook pero pirminte nagapa-keep the change kay Taeyeon. Si Junsu sigeg pacute ug hirit ug pick-up line pero di japon mamalit. Si Teukkie kay fifteen pieces jud na iya pirminte ginapalit pero ginahatagan siya ni Taeyeon ug extra three kay... sikreto na to nila. Ang pinakabago na suki ni Taeyeon kay si Yoona. Bag-ong balhin sa barangay sina Yoona mao ang mga paloy ignorante kaayo sa iyaha. Tungod kay murag hilomon ug dalagang Pilipina, crush2x siya sa mga amaw. Nagarenta ang pamilya nina Yoona sa apartment nina Seohyun. Si Seohyun ang female counterpart ni Henry sa barangay. Hawod siya magpiano mao pirminte sila magkita ni Henry sa mga competition.

Ang resident maldita sa barangay kay si Jessica ug si Yuri. Mga maldita tanawn pero utro pud mga buang2x. Tungod kay Sooyoung mao naclose sila sa mga paloy. Tungod to sa basketball game mao naging close sila. Pero di japon madawat ni Hyuk na napildi siya ni Yuri. Ana si Yuri, tungod to kay gitudluan siya ni Hyoyeon. Si Hyoyeon ang tomboy2x sa barangay sa una (karon kay si Amber na). Hawod magbasketball ug hawod pud manayaw. Classmate ni sila ni Hyuk since kinder mao bespren2x silang duha.

Si Hyo ang murag unofficial tourist guide sa barangay. Siya ang nagtour kay Geng ug Zhou Mi tong bag-o pa sila sa barangay ug siya pud ang nagwelcome kay Victoria ug Tiffany. Si Tiffany taga-States. Mao pa-slang2x ug inglisera. Sa una kay daghang maglagot sa iya kay sosyal kaayo siya pero pagkadugay kay nakasabot pud ang mga tao na buotan man gihapon siya. Katropa ni Tiffany si Sunny. Tag-iya si Tiffany sa internet cafe kung asa nagkaila si Kyu ug Sungmin. Didto pud sila nagkaila ni Sunny. Si Sunny kay manghod ra ni Sungmin pero abi sa mga tao kay kambal sila kay daghan au silag similarities.

Bale daghan2x pud ug mga citizen sa Brgy 39-A. Apil na didto ang SHINee na murag grupo sa mga bakling. Ngalan pa lang gani, obvious na. Si Key ang leader sa kabayot. Siya ang presidente sa fans club ni Heechul. Si Jonghyun ang bayot na murag dili. Pag hapon kay nagapart time ni siya magkargador sa Boulevard. Si Onew kay dili jud bayot pero tungod kay bata au sya para mouban sa mga paloy, ug dili siya 'bad boy' para mouban sa DongBang, naa siya sa SHINee. Forever sub ni sya sa mga liga sa basketball sa barangay. Sige man gud kadagma pag magdula na. Si Minho kay dili pud bayot. Pero trying hard au mahimog paloy ug bad boy. Nagtry ni sya magyosi once pero gisugod sa barangay health center kay napaso siya sa ilong. Hangtod karon kay trainee status siya sa ka-bad boy ug ka-paloy. Si Taemin na pinakabata sa SHINee kay hawod manayaw. Abi sa mga tao sa una kay babae si Taemin. Taas man gud siyag buhok sa una ug sige pud makigdula ug jackstone ug piko kay Luna sa kilid sa ilang balay. Nailhan ra na siya na lalake tong nagpatuli siya kay Manong Sooman tong grade 6 na siya.

Si Luna ang ineng ng barangay 39-A. Pambato sa mga singing contest. Itomon kay sigeg dula ug Chinese Garter kada udto. Kadula niya si Sulli na manghod ni Ryeowook pero di mangitom si Sulli kay didto siya pirminte sa silong. Bag-ong apil sa ilang barkada si Krystal na manghod ni Jessica. Malditahon ni si Krystal pero nagmellow down pud siya pagkadugayan. Ang kasagaran nila kadula kay si Victoria na ig-agaw ni Zhou Mi. Tigulang na si Victoria pero sige gihapon apil sa mga bata ug dula. Tag-iya sila sa parlor dapit sa Hot Legs mao close siya sa ubang member sa DongBang. Kani sila ang Chinese Garter girls. Unbeatable team sa mga parlor games kada piyesta sa barangay. Barkada-barkada pud nila si Amber pero di kaayo gauban makigdula ug jackstone, chinese garter, etc kay didto man siya sa mga paloy nagauban magdula ug basketball. Si Amber ang nagmana sa posisyon ni Sooyoung na extended member sa mga paloy. Manghod ni si Amber ni Jay.

Kaning si Jay ang nagpauso ug jam sessions sa tindahan nila Wookie. Kana man gud iyang pang-akit ug chicks. Magkanta-kanta na sya tos pagitarahon niya si Jungmo. Kaning duha ang pasimuno sa shotting sessions apil ang mga paloy. Alas-onse na sa gabii ilang schedule. Pirminte kasab-an sa inahan ni Wookie kay dili sila kasarado ug sayo kay magtambay pa sila. Kasagaran mang-uli na man ang ubang paloy ana pero perfect attendance jud na si Heechul, Kangin, Kyu, Sungmin, ug Wookie. Inom-inom man gud so syempre, di sila dapat mawala. Kada gabii ra makigjam si Jay ug Jungmo kay sa umaga naga-gig ni sila masking asa. Murag badjao. Pero one time nakajackpot sila tong nag-perform sila sa Taboan nya after ato ka gitawag na nila ilang duo na TRAX. Shortcut ang TRAX sa Travelling Xcitement, kay bigay-pugay daw na nila sa ilang emo na past kung asa nagaadto lang sila wherever para lang makaperform. Sa ilang shotting sessions kay partner jud na ang Grande ug balut na ginapalit nila kay Kangta.

Si Kangta kay kilabot sa Brgy 39-A sa una. Adik siya sa una tos leader sa gang na H.O.T. pero nabungkag na sila sukad tong nabisto sila sa DDS nya nakulong si Kangta sa Davao City Jail. Bag-o ra sya nakalaya kay gipaningkamutan jud siyag piyansa sa iyang uyab na si Isak. Duha ka tuig pud bag-o sya napagawas nya duha ka tuig pud sigeg overtime si Isak sa parlor nila Victoria. Ang nag-hire sa iya kay ang iyahang best friend na si Liyin na step-sister ni Vic. Dugay na sila magkaila ug daghan2x na pud silag moments together as BFFs sama tong nagroad trip sila padulong Marilog ug tong nakigbuno sila sa mga buring sa may Central Bank. Sa una kay chismosa ra na Isak nga manicurista pero tungod sa gugma kay namature sya nya namugas jud ug part time para sa uyab. Nahimo na syag tigkulot, tigmake-up, tiglimpyo, ug tigbantay last twohanan didto. Tungod sa gihimo ni Isak kay nagbagong buhay na jud si Kangta mao balut na iyang ginabaligya ron. Ana sila, gaipon pud siya kay balak na niya magpropose kay Isak. Kung madayon ang iyang plano kay imbitado ang tanan taga Brgy 39-A sa adlaw sa ilang kaminyoon sa Seagull.

Ang Brgy 39-A sa kilid sa SM. *bow*