Kung Ngano Nibalhin sa Facebook ang mga Paloy

Usa ka kaulanon na adlaw, nakamata ang katulugon na tigbantay sa Sequel tungod sa usa ka kusog na shagit. Sadihang, nabalaka ang luoy na bayhana kay abi niya naay gubot na nahitabo. Para diay mahatagan mog idea, anad na ning tigbantay ug mga shagit sa mga nagagamit ug unit. Ginapamahaw/paniudto/panihapon na niya ang mga pamalikas ni Kyuhyun mao immune2x na ni siya ug mga usual yagaw sa internet cafe. Kani lang jud na time siya nabalaka kay lahi ang shagit. Kanang murag shagit sa baktin na gilabayan ug lata sa lactum.

Nagdagan ang tigbantay sa ginikanan ug kasaba nya nakit-an niya ang sa una abi niya kay baga na buhok na nagastorya, ang latagaw na Yesung diay to. Naghilak ang kagwang kay abi niya gireject sa Siwon ang iyahang invitation sa Friendster. Ika-third account na man gud sa bakulaw na Siwon to kay pirminte lang maFULL ang iyahang friend's list. Pila ka bulan pud na wala siya nagalog-in sa iyahang account mao pila ka semana na pud pending ang friend request sa hari sa mga paloy. Nya pagcheck niya balik sa friends invited tab kay wala na ang iyahang invitation para kang Siwon nya dili na pud niya makit-an ang profile sa gago. Nisamot ang iyahang pagkabadtrip kay abi niya giblock user siya. Nagemo2x ang paloy kay for the first time daw sa iyahang life kay nareject siya.

Gitry siya iconsole sa tigbantay nya kalit lang man nisingit ang paloy na Kyuhyun ug "KANA, MAGFRIENDSTER2X PA MAN! DOTA NA LANG LAGI! WALA PAY REJECT2X! KILL LANG!" Pagkadungog ani kay nasamot kaguol ang Yesung. Wala na kabalo ang tigbantay kung unsa ang dapat himuon. Timing nisulod ang salarin este and diyosnong si Siwon sa internet cafe. Naggreet ang amaw ug "God bless you, maglog-in ko te, one hour ra."

Pagkadungog dayon sa iyang tingog kay nitindog ang paloy ug nagshagit ug "NGANO WALA MAN KO NIMO GI-ADD?" Nashakira ang Siwon nya nagurus dayon. Nagstorya ang duha nya nahibal-an na wala jud diay gireject ni Siwon ang invitation ni Yesung. Gidelete diay sa bakulaw ang iyahang friendster. Nabwisit na man gud siya kay (tungod itsurahon man) pirminte ginakawat sa mga taga-39B ang iyahang mga pictures nya ginabutang nila sa ilahang friendser profile. Mga poser ba. Mao nibalhin na siya sa Facebook.

"Unsa nang Facebook doots?" pangutana sa Yesung. "Wala pud ko kabalo pero murag Friendster. Kalahian lang kay walay budots didto. I mean, as of now." ang tubag sa Siwon.

Wala naconvince ang Yesung sa FB pero naghimo gihapon siya ug account. Nisunod pud ang ubang paloy ug himo pero sa Friendster gihapon sila mas active. MagFB ra na sila para magdula ug Poker ug Mafia Wars. Si Donghae kay Pet Society nya si Heechul kay Fashion Wars. Si Zhou Mi ug si Kyuhyun ra ang wala jud naghimo ug account. Si Zhou Mi kay mas ganahan man daw siya sa Friendster kay pwede magbutang ug glitter2x sa profile. Si Kyuhyun kay wala juy account kay wala siyay oras para ana. Makadaot na ug pagdoDoTA.

In short, si Siwon ang nagsugod sa Facebook transfer sa tibuok Brgy 39-A. Nya ang kataw-anan kay ang mga paloy ang apil sa mga una naghimo ug account pero sila ang pinakalast nagbalhin. NagFB na sila tong tanang taga-Brgy 39A kay naa na didto. Mao na. Perfect example sa ilang ultimate paloy-ness.

Read tagalog translation HERE