First day practice para sa Showtime

Karemember mo ani na post? Tong muapil ang Dodong Bangag Sigeg Kiat (or DBSK for short) ug singing contest unta nag-ana si Yesung na muapil ang mga paloy ug Showtime? Tinuod jud diay ang giingon sa kagwang. Gicareer niya ug pamugos sa mga paloy na muapil para daw musikat na sila. Wala siya kabalo iruon lang sila didto. Pero sa future pa na mahitabo. Dire sah ta sa ilang practice kung matawag ba nimo ni ug practice.

Isa ka adlaw nagdecide si Yesung na magpractice. Giadtuan niya ang mga balay sa mga paloy sayo sa buntag para ingnan na naa silay practice ala una sa udto sa may basketball court atbang sa tindahan nila Wookie. Nagdugay siya ila Kyuhyun kay ang buang di daw siya muapil kay masayang daw iyang oras para mudula. Napugos lang si Kyu kay niana si Yesung na siya daw ang mubayad sa ten hours na dula ni Kyu pag madaog sila. Naglalis pud si Yesung ug Heechul kay muapli lang daw si Heechul kung siya ang frontman sa grupo. Nisugot na lang pud si Yesung kay kabalo siya na pag iruon sila ni Vice naa dayon matubag si Heechul.

Pag abot sa ala una, nagtapok na ang mga paloy sa basketbolan. Nalate gamay si Eeteuk kay nagsampay pa daw siya ug mga labada unya si Kangin kay makit-an nimo didto sa kilid sa landong naghagok kay hubog pa. Katapad niya si Shindong nagkaon na pud ug sparkol ug ginanggang. Si Heechul nagtindog gunit2 ug samin sigeg tan.aw sa iyang sarili. Si Hyuk ug Hae tawon nag sigeg katawa kay si Taemin ginamakeup-an nila Jay didto sa tindahan nila Wookie. Unya ang Sungmin as usual pa.inosente kuno tan-awon kay sayo pa man sa adlaw. Ang uban kay nagtindog sigeg yawyaw kay Yesung kung kanus-a pa magsugod kay gikapoy na daw sila. Ambot nganong gikapoy sila na wala pa man tawon sila nagsugod ug practice.

Unya nangutana si Kibum, na natingala ang tanan na naa siya, kung unsa daw ilang sayawon. Nag ana si Yesung na ayaw na daw ug kabalaka kay naa na daw nakita si Wookie na perfect na kanta para sa ilang performance. Kung unsa toh na kanta iclick na lang ni na link para mapaminawan ninyo. Mao toh, pagkadungog nila sa kanta nagfreestyle na silag binudots sa court. Pero wala najud makalupig sa pina octopus dance sa ilang leader na si Yesung, opkors!

Kung unsa man ang mahitabo ani na practice or sa mga sunod na practice, hulat na lang jud mo sa mga sunod pa na mga posts.

----------------------------------
read tagalog translation here.