kay Dagkong Yagit na man sila ron, atong istoryahan ang ilang kinabuhi tong baby pa sila. Tong bago pa sila gigawas sa kalibutan unya wala pa kaayo napoison ang earth tungod sa ilang existence. Ug tungod kay dugay na mi wa nagupdate, kani ra ang nakaya sa among mga nagkuyos na braincells.
Ang storya sa ka-baby-han sa mga paloy ug 'palay'. Haha! Isulat namo diri karon, for the first time in history, ang mga nahunahunaan sa katigulangan (apil ilang inahan, amahan, mga kamag-anakan, silingan, doktor na nagpaanak, nars na nagduty, ug guard na natulog) paggawas aning mga amawa ni sa kalibutan. Kay first impressions last man diba? So magsugod na ta.
1. Eeteuk
"Dili na himuan ug birth certificate kay klaro na man na tigulang."
Historical Background: tong bag-o pa gianak si Eeteuk kay hapit na mamatay iyang mama. Dili tungod sa maternal death sama sa hemorrhage kundi tungod sa heart attack kay ang nawong niya murag Benjamin Button. Kulubot iyang panit nya ganguya siya ug nganga. Kung asa to gikan, wa mi kabalo. Mao to niana iyang amahan na dili na sya hatagan ug birth certificate ug di na pud iregister sa NSO kay kung modako, klaro man gihapon na tigulang sya. Maski asa sya mabutang, siya na jud na ang maggunit sa posisyon sa pinakagurang didto.
2. Heechul
"Dili na binyagan kay yawa na daan."
Historical Background: tong gipanganak si Heechul kay naglagot ang doctor nya hapit na sagpaon iyang mama. Kay ngano man? Kay ang animal, wala nihilak. Requirement ra ba sa baby ang mohilak noh? Ang nawng sa Heechul ato kay nagngisi. Dili pa jud kanang ngisi na kyut kay kanang ngisi na pangtroll. Kanang kaloko kaayo ba. Di sya mohilak ug moreact sa maski unsa na buhaton sa mga tao. Nagtan-aw ra sya nya nagngisi. Kanang iyahang smirk karon, dinha na nagsugod. Ing-ana na ngisi ba para naa moy idea. So kato, sa kalagot sa doctor niana na lang na di na siya pabinyagan kay yawa na daan. Di na makaya.
3. Hankyung
"Dili na iregister kay illegal na daan."
Historical Background: tong kasagsagan sa Sino-Japanese war kay... wala pa gipanganak si Geng. Pero dinha na nagsugod magevacuate ang mga Intsik padulong Pilipinas. Motakas man sa military. Mao tong gipanganak si Geng, apil iyang parents sa last batch. Wala nay gyera ato pero nangadato na man ang mga sinaunang intsik na nangadtog Pilipinas. Mao gitelegramahan iyang papa na momigrate sila diri para happy-happy ilang angkan. Kay tungod kay intsik man, naa man jud ang pagkakuripot dinha. Mao iyang parents, nakisabay sa mga illegal immigrants na nanakay ug bangka padulong Batanes. Gipanganak si Geng sa dagat. Sa tunga sa South China Sea ug Batanes Sea. Paglanding nila sa Aparri kay nangutana iyang mama kung moagi pa ba sila sa immigration para magparegister. "Adik man ka oi, ngano moagi pa man ta na illegal na man ta!" kani ang ingon sa iyang amahan na hawd. Mao to. Wala na sya naregister. Luoy kaayo.
4. Yesung
"Dili na ta maggwantes kay damak gihapon na pagdako."
Historical Background: wala mo kabalo ani pero tong naglabor ang mama ni Yesung kay nakatipid ang ospital. Wala na sila nagspray ug zonrox unya wala na pud naggwantes ang doktor. Damak kaayo noh? Sige lang, kay ana man sila. Damak na man na si Yesung modako so dili na ta maningkamot magpalimpyo-limpyo. Gaguhan man gud kung inato. Ngano naingon nila na damak siya? Ambot lang. Basi kay abi nila clot of blood tong naa sa iyang ulo. Amaw na doktor! Buhok kaha to ni Yesung! Ana ra jud to kabaga. Kaluoy kay mahimo unta siyag clean person pero tungod kay naunahan na man siya matawag na damak, nacarry na niya for life. Murag wala man pud siya nagmahay.
5. Kangin
"Dili na palitan ug mittens kay manumbag gihapon."
Historical Background: Utro pud nakatipid ang amahan ug inahan ni Kangin. Unlike sa ubang bata na kinahanglan palitan ug mittens ug kanang chorva na ginabutang sa tiil, siya kay wala na. Ang mittens man gud kay para di makambras sa baby iyang nawng. Di na ni problema kay Kangin kay pirminte man nagkum-os iyang kamot. Murag ready for strike na ba. Bata pa lang, boksingero na kaayo ang dagway. One time kay najombag niya iyang papa sa nguso mao to nasuko ang tigulang, gisagulan ug Fundador iyang gatas. Unya mashock pa mo na ingana si Kangin?
6. Shindong
"Di na pakaunon ug cerelac kay modiretso gihapon nag solid foods."
Historical Background: si Shindong kay but-an na bata. Walay problema iyang ginikanan sa iya. Nakit-an lang na medyo problem child siya tong gikaon niya ang dukot na nabilin sa kaldero. Giunsa to niya pagkaon? Ay, kay brayt man iyang mama. Gibutang ang kaldero sa kutchon. Nakit-an sa Shindong. So, pagbalik sa inahan, limpyo kaayo ang kaldero. Ang Shindong diay ato kay two months old pa lang. Ana ka hardcore.
7. Sungmin
"Di na painomon ug Cherifer kay di man jud motubo."
Historical Background: tong nagpaulan ug kataas ang Ginoo kay lami au ang tulog sa mama ni Sungmin. Pagkapanganak sa iya, hastang lipaya sa barangay. Kay gwapo na bata. Unya di siya tighilak. Mongisi lang, pero di inato sa ngisi ni Heechul na ngisi sa yawa. Ang ngisi ni Sungmin kay murag angel. Brayt pud kay two days old pa lang, kabalo na magclose-open... ug mata. Perfect lagi kaayo (naglisod man gani mi hunahuna ug mali niya) pero hala, kaluoy ba kay ang iyang tiil... mubo kaayo! Nagapply ug loan iyang papa para sa iyang cherifer supply pero niana iyang mama na di niya gusto buot-buotan ang gusto sa Ginoo. Mao wala na lang nadayon. Instead, ang kwarta unta para sa Cherifer, ilaha nang gireserve para sa shoelifts.
8. Eunhyuk
"Biyaan na nato ni kay budots na man daan."
Historical Background: ang parents ni Hyuk kay pirminte busy mao wala nila nabantayan maayo si Hyuk. Pero nakit-an na independent man diay ning bataa ni kay kung ang ubang baby kay hassle kaayo sa ilang pamilya kay sigeg hilak unya sigeg pabantay, si Hyuk kay opposite nila. Makigdula ra na siya sa iyang katapad crib kung asa naghigda ang utro pud amaw na si Junsu. Maski di makakaon kay okay ra kay Hyuk. Sige lang man sila katawa ni Junsu maski di sila magkasinabot. Ipakita ra niya iyang gums, mohiyaw na tong usa. Unya igewang-gewang ra ni Junsu iyahang lubot, motindog na si Hyuk nya manayaw. Sa una kay nagworry iyang parents kay basig naa siyay daot sa utok. Pero tong giCT scan kay ana ang doctor na wala may pantal sa iyang utok. Ana ra jud siya, amaw2x. Talent siguro na niya. Di na siya kinahanglan iprotect kay wala man gihapoy mahitabo. Sayang lang ug oras.
9. Donghae
"Di na ni tudluan molangoy kay swito naman."
Historical Background: naglisod jud ug maayo ang mama ni Dodonghae tong gibitbit pa siya sa tiyan. Sige rag kasakit iyang tiyan. Mao diay to kay nagafreestyle swimming si Hae sa sulod. Tong gipanganak siya kay una unta ang tiil. Unya niana man ang doctor na dapat i-Cesarean tos nadunggan nya mao ni backstroke siyag kalit then ulo na niya ang nigawas. Ayos kaayo noh? Kasabot man! Mao to si Dodonghae, bata pa lang mosalom na. Di na mamroblema iyang inahan magpaligo niya kay siya na man ang mag-una2x. Usahay man gani, mosalom maski walay tubig. Hello bun-og dayon.
10. Siwon
"Di na piktyoran kay nawong derp naman."
Historical Background: gwapo man jud ning bataa ni ba pero di lang jud mi kasabot ngano marelocate man iyang features kung naa nay camera. Gwapo man jud intawon. Dako ang mata, maayo ang ilong, hamis ang panit pero pag mosilaw na gani ang flash, mahimog kanawng ni Kokey. Dilemma au ni sa iyang mama kay gusto makigpicture sa iyahang cute na baby pero kung naa nay camera mahimo mag nawng mongoloid. Hapit na gani mag-away ang ilang pamilya kay di mutuo iyang mga auntie ug uncle sa Amerika na itsurahon siya. Kinahanglan pa nila moadtog ospital unya tan-awon siya sa personal. Talent na pud ni niya ba kay hangtod karon, ana gihapon siya. Kani na basi ang ginatawag na balance of nature.
11. Ryeowook
"Ayaw na pabukali ug salabat kay piyok na daan."
Historical Background: Kuyaw kaayo ni si Wookie kay maski brownout, makit-an gihapon siya sa iyang inahan. Nagbrown out man gud to sa ospital nya tanang baby sa nursery kay nanghilak. Hala ang mga inahan, nagkandabuang lagig pangita sa ilahang mga anak. Pero ang mama ni Wookie, naispatan dayon siya. Kay ngano? Ang tingog niya, murag wangwang. Bata na palahilak pero di gihapon mawal-an ug tingog. Aside diay kay Donghae, nagkatipus pud ni si Wook. Gabii na to, nya kusog kaaayong ulan. Wala nay makit-an na taxi iyang mama unya ang ambulansya kay nastranded sa baha. Walay choice kundi moarkila ug tricycle. Kuyawa ba, kay in record time gihapon sila nakaabot sa ospital. FIVE MINUTES MEN! Ngano? Kay ang Wookie, hilak lang. Mura na mag wangwang, padaplin lagi tanang sakyanan!
12. Kibum
"Dili na nato storyahan kay walay pulos na daan."
Historical Background: kay dato man ni si Kibum, pagkapanganak sa iya kay niuli gikan America iyang papa. Private ward sila sa Davao Doc. Hilom kaayo. Murag wala nanganak iyang mama kay hilom man kaayo siya. Ang mga bisita na moadto, usahay malimtan na gipanganak diay siya mao naa sila didto. Ginabilin ra man gud siya sa crib unya dili man gihapon siya mohilak. Tulog ke tulog lang. Pero acting ra jud to niya. Mata to siya, nagpractice ra siya ug iyahang "stealth ability". Naa gani time niana iyang papa "Kinsa ning bataa ni?!" then gikasab-an sa iyahang mama. Ana iyahang mama "Sabaan kaayo ka! Natulog ra ba ko!"
13. Kyuhyun
"Di na ni tudluan ug proper manners kay di gihapon makaya iyang pagkawalay batasan."
Historical Background: kani jud si Kyuhyun ang pinakalabad sa ulo na baby sa tibuok kalibutan. Kung pakaonon kay di mokaon. Kinahanglan pag mag-helicopter2x iyang mama para mokaon siya. Unya kung mangampo ang tibuok pamilya kay mohilak ug kusog. Paborito pud kaayo niya na hobby ang mangihi sa iyahang panti. Ang iyang mga dulaan kay iyang ginapanglabay lang. Pero maski inana si Kyuhyun, palangga gihapon siya sa iyang papa. Malas lang iyang amahan kay kada abot niya gikan opisina para tan-awn ang baby kay magatik2x na natulog ang yawa. Kay dato man sila, di siya mokaon ug cheapipay na pagkaon. Ginaluwa na niya. Sa nawng sa nagpakaon. Dapat lagi Gerber lang. Unya iyahang lullaby kay kanang OST sa SuperMario. Acapella version.
14. ZhouMi
"Ayaw na paliti ug panglalake kay bayot na man daan."
Historical Background: dugay na nangandoy ug babae na anak ang mama ni ZhouMi mao two weeks pregnant pa lang siya, namalit na siya ug mga pink na sanina. Gipapinturahan na pud niya ug butterfly and flowers ang nursery room. Ready na kaayo siya para sa iyahang baby. Pagkapanganak kay ZhouMi kay naglisod pa sila determine kung babae ba jud o lalaki. Nahibal-an ra tong five months old na siya. Nagfreak-out ang papa ni ZhouMi kay di ra ba ganahan ug inana ang mga intsik. Pero okay ra sa iyang mama kay ang ZhouMi mura gihapon baby girl. Ikaw daw, laliman kag five months pa bago nailhan na lalake diay ka? So kato, wala na gipailisan sa mama niya ang iyahang things. Kay bayot man gihapon modako, anaron na lang.
15. Henry
"Hala, sagaron na ang pagkusi sa iyang aping kay moburot man gihapon."
Historical Background: Kani si Henry kay kyuuuuut kaayo na NPA. Nawong Puro Aping. Tong baby pa siya kay naglisod iyang mama pagawas sa iya. Di tungod sa kadako sa iyang ulo, kundi tungod sa kadako sa iyang aping. Nisabit man. Naglisod ang doctor. Mao pud ni dili kaayo palahilak na baby si Henry. Kay mabugatan sa iyang aping pag monganga siya. Tanang tao sa ospital, apil ang tamad na guard kay nakakusi na sa iyang aping. Ana sila, ang 15% sa wealth sa ilahang pamilya kay gikan sa nakolekta sa iyang amahan sa bawat tao na mokusi sa iya.
